Yntredha Dowr A Res Songtext
von The Changing Room

Gans an lanow y hwoelsyn hag entra y′n porth
Ha'n roesow o lenwys a hes
Unn dre orth an lewbordh hag onan a-borth
Hag yntredha, dowr a res

War an kay ′th esa hi gans hy hanstell y'n dorn
Ny welis vyth tekter somper
Hi war an lann west, ha my orth an est
Hag yntredhon, dowr a ver


Pan en dhe vor a'n le, hwath trigys ov yn de
Puptra a janjyas gans treylyans an fros
Toll-treth yw genev pes, arta yth en yn-mes
A′m serth vy rygdhi ny wrug lowr a dros
Rag yntredhon dowr a res

Gans growan y teuthons dhe sevel an pons
Defens na ragwelsens o krev
Unn dre gans an arghans, hy ben yn-dann Howl
Hag yntredha dowr a sev

Pan en dhe vor a′n le, hwath trigys ov yn de
Puptra a janjyas gans treylyans an fros
'Ma pell a-ughov vy, ow fries ny vydh hi
Pons ny dreyl tra, pan eus aswa re vros
Rag yntredhon dowr a res


Ha lemmyn ′ma troe'lergh a′n est bys y'n west
Ha mowes yw yowynk ha teg
Mes oesweyth a gas a dhiberth an dhiw dre
Hag yntredha dowr a freg, hag yntredha dowr a freg