Tecín Soia Songtext
von A Banda da Loba

Tecín soia a miña tea
Sembrei soia o meu nabal
Soia vou por leña ó monte
Soia a vexo arder no lar

Nin na fonte nin no prado
Así morra coa carrax
El non ha de virme a erguer
El xa non me pousará

¡Que tristeza! O vento soa
Canta o grilo ó seu compás
Ferve o pote..., mais, meu caldo
Soíña te hei de cear
Soíña te hei de cear


Cala, rula, os teus arrulos
Ganas de morrer me dan
Cala, grilo, que si cantas
Sinto negras soidás

O meu homiño perdeuse
Ninguén sabe a donde vai
Anduriña que pasache
Con el as ondas do mar
Anduriña, voa, voa
Ven e dime en onde está
Anduriña, voa, voa
Ven e dime en onde está
Onde está

Anduriña, voa, voa
Ven e dime en onde está
Anduriña, voa, voa
Ven e dime en onde está
Ven e dime en onde está
Onde está
Onde está